اغانى المقاومة..

اهل مصركانودايما بيكافحوالاحتلال ، و وصل بيهم الحال انهم يعملو اغانى للمقاومة ، ومش اى اغانى ، اللاغانى اللى كانو بيعملوها دى كانت بلغه و طريقة محدش بيفهم الغرض منها غيرهم هما و بس، و جت فترة على البلد اتحولت كل الاغانى من انها بغرض التسلية لانها اصبحت سلاح قوى ضد الاحتلال و كان ليها دور كبير فى تشجيع الاف الناس انهم ينزلو اثناء الثورة.

 

فمثلا “منيرة المهدية “ كانت من اشهر المغنيات فى وقت ثورة 1919 ، فاستغلت شهرتها وان الحكومة منعت كل المطربين من الغناء الا هى عشان حبهم ليها ، فهى استغلت ده و بقت بتغنى الاانى الوطنية الحماسية و اشهرهم  الاغنية اللى غنتها ل” سعد زغلول “ للمطالبة بالافراج عنه و انه يرجع من المنفى والاغنية دى كانت  من تلحين “ الشيخ سيد درويش”

ممكن ده ميكونش غريب لناس كتير لكنه كان بمثابه مجا زفة كبيرة جدا لان الحكومة وقتها اصدرت قرار بعاقبة اى مطرب يتداول اسمه اواسم واحد من جماعته.  

و موقف تاريخى عظيم ! لما اصدرت حكومة  الاحتلال احكام عرفية على مصر ، كتب امين صدقى و لحن سيد درويش و غنت منيرة المهدية اغنية بتقول :

يا مصريين يا وطنيين.. قوموا كده مالكم نايمين

أحكام عرفية.. ولا فيش حرية.. وادى قوانين استثنائية

 

و الاغنية اثرت فى الناس وخوفت الحكومة لدرجة انهم هددو بحرق شارع عماد الدين كله اللى كان بيضم كل المطربين وقتها.  

و كانت كمان فرقة مسرح نجيب الريحانى بتشجع المقاومة بطريقتها ، فكانو بيقدمو المسرحية بالنشيد الوطنى و كتير من الاغانى الحماسية . 

زكريا احمد كان يعتبر جندى مجهول اثناء المقاومة ، بسبب انه كان بيلحن اغانى كتير اوى لزيادة حماسة الناس .

 

الانتفاضة الشعبيةالاولى اللى حصلت بسبب تولى الخديوى عباس و انه دخل الاحتلال فى شئون و قرارات البلد ، بدأ المصريين بغناء دور غير معروف هويته او مؤلفه لحد دلوقتى بيقول :

“«عشنا وشفنا سنين، ومن عاش يشوف العجب، شربنا الضنى والأنين، جعلناه لروحنا طرب، غيرنا تملك وصال، واحنا نصيبنا خيال، كده العدل يا منصفين»

 

و خلال العدوان الثلاثى على مصر بعد ردالرئيس الراحل “ هنحارب” ، الف صلاح جاهين اغنية اسها “ ح نحارب” و لحنها بسرعة سيد مكاوى و اتذاعت فى الاذاعة المركزية لمصر فى خلال ساعات لزيادة حماسة الناس للحرب.

 

( أهو ده اللى صار)

اغنية لحد دلوقتى بتتغنا و قريبة من القلب لكن ليها قصة كبيرة مع الاحتلال، اول مقطع فيها كان بيتغنا لسعد زغلول فى الفترة اللى اتقبض عليه فيها فكانت بتقول “ سعدك اصيل .. و الخصم عايب” ، اللى اتغيرت بعد فترو كبيرة و بقت” شعبك اصيل” .

 

 

 

  

تلاتين سنة حياة و بس!

 سيد درويش كان اسكندرانى ، اشتغل عامل بناء لفترة كبيرة و كان دايما بيغنى و هو بيشتغل ، لحد ما فى مرة وهو بيغنى فى القهوة مع العمال ان موجود اشهر موسيقيين فى الزمن ده و هما الاخين سليم و أمين عطا وطلبو منه انه يسافر معاهم للشام لاحياء حفلات موسيقية اتعلم  فى الشام أصول فنية كتير و اتعلم يعزف على العود وكمان كتابة النوتة الموسيقية  بعدها رجع لمصر و لحن لاكبر الفرق المسرحي اللى كانت موجود زى فرقة نجيب الريحانى و على الكسار و جورج ابيض، و اول ما نزل مصر لحن اول دور ليه ( يا فؤادى ليه بتعشق).Listen 

و كان ده اكبر سبب ان سيد درويش كان قريب من الناس لانه كان بيخاطب مشاكلهم و حياتهم و كان يعتبر عدوكبير للانجليز لانه كان بيحمس الناس لمقامة الاحتلال الانجليزى لدرجة انه لما مات اتقال ان موته كانت حادثة مدبرة لقتله، كانت واحده من الاغانى اللى غناها ضد الاحتلال هى اغنيه ( يا بلح زغلول .. زغلول يا بلح ) و كان الانجليز مش فاهمين معناها و كانت سبب كبير جدا ان الناس تثور ضد حكومة الاحتلال ،لما تم نفى " سعد زغلول " ؛و الاغنية دى كان السبب الرئيسى ليها هوالافراج عن " سعد زغلول "و اتحولت الاغنية وقتها لشعار للثورة! 

Listen

و زى ما كان بيغنى للسياسة كان كمان بيغنى للمشاكل اللى بتحصل فى المجتمع زى اغنيه (شد الحزام على وسطك غيره ما يفيدك) و دى غناها لمحاربةالغلاء فى الوقت ده

ادخل الغناء البوليفونى لمصر فى مسرحيات واغانى كتير و دى كانت نقلة كبيرة فى الموسيقى وقتها ، و اشهرهم Listenاوبريت شهرزاد و اوبريت البروكة. 

من فترة قريبة قال زياد رحبانى فى مرة كانو بيسجل مع فرقته اغنيه للشيخ سيد وسأله واحد من العازفين عن ملحن المعزوفة دى و لما قاله انها تلحين سيد درويش اتفاجئ وقال انه كان فاكرها لحن غربى ؛ و ده اكبر دليل ان فعلا سيد درويش كان بيطور الموسيقى العربية للغة يفهمها كل الناس و كان بيجددها فمكانتش بالنسباله مجرد اغانى طرب و بس زى الملحنين اللى كانوموجودين قبله .

 اغانيه اصبحت دلوقتى من التراث العظيم زى (انا هويت ، سالمة يا سلامة ، قوم يا مصرى)، الحلوة دى ، خفيف الروح) 

الحان سيد درويش كانت دايما قريبة من قلب الناس فى مصر و بتتحفظ بسهولة و بتشتغل فى الشوارع  لانه كان بيغنى مشاكل الناس و بيحمسهم فكانت اغانيه بتشتغل فى المسارح و القهاوى و الافراح ، اغلب اغانيه كان بيغنيها و يلحنها من واقع حياته ؛ فمثلا لما حب بنت و اكتشف بعدها حبها لشخص تانى و هجرته غنا طقطوقة ( زورونى Listenكل سنة مرة) نوع من انواع الانتقام منها و الاغنية دى انتشرت بشكل كبير و سريع جدا بين الناس؛ 

سيد درويش كان من اهم صناع الاغنية السياسية فى التاريخ  

سيد درويش اشتهر بالاغانى الوطنية الحماسية و كان ليه دور فى مقاومة الانجليز ، غنا اغنية اقتبسها من اقوال مصطفى كامل (بلادى بلادى بلادى لكِ حبى و فؤادى) لحد ما بقت النشيد الوطنى الرسمى لمصر ، و فى المظاهرات ضد الانجليز كان بيغنى للمتظاهرين عشان يزود حماسهم باغنية (دقت طبول الحرب يا خيالة) ؛ Listen

لما غنا اغنية ( عشان ما نعلا لازم نطاطى)كان بيغنيها اعتراضا على سياسة الملك مع الاحتلال الانجليزى ، و بعدها بقا كل اللى بيسمعوه بيغنى لسيد درويش كان بيتقبض عليه Listen

بعد كل ده بنعرف ان سيد درويش مكنش بس ملحن ومغنى ، ده كان مناضل ثورى و سياسى لمقاومة الانجليز ، لدرجة ان ناس كتير قالت انه اتقتل و مماتش بطريقة طبيعية واللى أكد الكلام ده فى عقول ناس كتير هو كلام حفيده "ايمان البحر درويش " انهم لما طلبوا تشريح جثته الحكومه الانجليزية رفضت. 

 

 

تعرف ايه عن تاريخ الموسيقى العربية؟

كلنا بنحب نسمع موسيقى ونستمتع بيها ومتعتها بتزيد لما بنعرف تفاصيلها و تاريخها و بنتحمس نسمع أنواع اكتر ونعرف عنها أكتر و بالرغم إن الموسيقى بتبان بسيطة جداً و إحنا بنسمعها إلا انها معقده جداً فى تركيبها من ترتيب ألحان و صمت و إيقاعات و أوزان و هارمونى.

اول تدوين للموسيقى العربية كان فى القرن السابع قبل الميلاد عن طريق نقش جدارى كان بينشدها و يعزفها الأسرى العرب للاشوريين وخاصة الملك الاشورى لكن فالوقت ده لم يُحفَظ  اى مقطوعات موسيقية الا عن طريق النقوش الجدارية و بس

و تعتبرالموسيقى لغة عالمية بيفهمها العالم كله من غير كلام فهى مجرد ألحان بيحبها الكل و يستمتع بيها و ليها رسايل مهمه جداً فى حياتنا لكن الموسيقى العربية هى موسيقى نشأت بطريقة مستقلة وفيها أنماط مختلفة تكونت من مزيج الشعر والثقافات العربية بعد دراسة وإتقان الموسيقى الإغريقية المعروفه بالموسيقى الغربية.

أما فتره قبل الاسلام  بالعصر الجاهلى أثرت كتير فى أساس الموسيقى العربية  لكن فى الغناء فقط،  لكن الألات الموسيقية مكانتش مهمة الا للتمهيد للغناء فقط.

انتقلت الموسيقى العربية للعديد من الدول عن طريق هجره العرب ونشرهم لثقافه الغناء و العزف ؛ كمان النساء كان ليهم دور فى نشر الموسيقى دى لشبة الجزيرة العربية اثناء سفر القبائل النساء كانت بتغنى التهاليل والأناشيد الدينية لتسلية المسافرين مع ضرب الدفوف وكان اسمهم(قينات) معناها مغنيات. الموسيقى فى الوقت ده اتقسمت لكذا نوع منهم غناء النصب كان مخصص لغناء الاشعار، و الهزج اللى بيغنيه الفتيان و الشباب ،وكمان السناد و دى كانت موسيقى خفيفة مخصصه للرقص فقط.

الفترة دى انتشر فيها غناء القصائد الشعرية بشكل كبير و الأناشيد الممجده للالهة و اشهرهم نشيد “ نحن غراب عك” كان بيغنيه قوم قريش اثناء حجهم للكعبةlisten 

على قد ما الغناء و العزف انتشر فالوقت ده بشكل كبير بين الملوك و كبار و سادة القبائل على قد ما كان بعض الناس بيعتقدو إن الجن هو اللى بيوحى للشعراء بالتغنى بهذه الكلمات .

من أشهر الألات الموسيقية فى العصر ده هى القيثارة و دى بتستخدم لحد دلوقتى فى اليمن  و العود اللى كان مصنوع من الجلد كان شبه الجيتار دلوقتى .

فى العصر العباسى 

تم فيها تطور كبير للموسيقى العربية ، اولا اخترع العود واطلق عليه اسم مخترعه"عود"

 و ظهر فى الفترة دى كمان اشهر الموسيقيين كان اسمه "زرياب" و هو مغنى و ملحن عاصر هارون الرشيد و ساعد كتير فى تطور الموسيقى العربية و اول من اسس مدرسة خاصة بتعليم الموسيقى و الغناء و اساليبها و قواعدها

اخترع الموشحlisten و ده كان أسلوبه لتعميم غناء النوبة عن طريق النوع ده من الغناء؛

وأضاف للموسيقى بأشكال كتيرمنهم انه غير ريشة الدق على اوتار العود من الريشه الخشبية لريشة النسراللى سهل كتير عزف المبتدئين على الة العود.

و غير عدد أوتار العود من أربع اوتار الى خمس أوتار و ده ضاف للموسيقى بشكل كبير لأنه أضاف نغمات اضافية زادت الموسيقى العربية سمات جمالية عن غيرها و اضاف ليها زخرفة عن طريق انتقال العازف بين النغمات بحرية اكبر. 

و كمان هو أول من اخترع الدق على الدف فى بداية الأغانى قبل الغناء مباشرةً لتعليم العازفين الميزان الموسيقى عشان تكون الموسيقى مرتبة اكتر و منسجمة بطريقة افضل؛

و هو اول واحد نفذ الغناء الشعرى مع الايقاعى بطريقة منظمة باساليب و قواعد محددة .

غنا القصايد

غناء القصيدة هو نوع من أنواع الفنون الراقية اللى انتشرت فى العالم العربى فى اواخر القرن التاسع عشر و اوائل القرن العشرين، و القصيدة معروف عنها انها وسيلة قوية جدا فى نقل المشاعر على عكس الشعر القصصى اللى اتكلمنا عنه قبل كدا ( فن الموال).

و على عكس الموال ، القصيدة تلتزم بميزان ايقاعى و قافية و انتقاء الالفاظ و الكلمات اللى بيعبر بيها الشاعر، و كمان بتكون ملتزمة بالغناء باللغة العربية مش اللغة العامية او الدارجة ، و السبب الاساسى لاستخدام اللغه العربية و الالتزام بيها هو الحفاظ عليها انها تضيع او تختفى؛ و بتتغنى بلحن ثابت لكن برضو بتعتمد على الارتجال عشان يظهر فيها المطرب قدرات صوته ، يعنى ممكن قصيدة واحدة تتغنا باكتر من لحن من اكتر من مطرب.

فى بداية نشأه غناء القصيدة كان الملحنين بيلحنوها على اسس و نهج تجويد القران الكريم و التواشيح و الابتهالات الدينية .

فى العصر الحديث او بداية القرن العشرين انفصلت وظيفة الملحن عن الغنا و اصبح الشاعر مستقل لتلحين القصائد من غير ما يغنيها ، و من اشهر ملحنين الفترة دى هو سيد درويش. من اجمل  تلحيناته قصيدة(يا شادى الالحان ) Listen 

 

سيد درويش اثر بشكل كبير فى تلحين القصائد و عمل مدرسة موسيقية ( او نهج موسيقى ) اسمها المدرسة التعبيرية للتلحين و ده رجع القصيدة تانى انها تلتزم بنفس اللحن و منع الارتجال فيها عشان يكون ده نوع من انواع توثيق القصائد دى .

ومن اشهر الملحنين اللى لحنو بنفس نهج سيد درويش هوالشيخ ابوالعلا محمد و محمد عبد الوهاب و رياض السنباطى .

والشيخ ابو العلا رجع القصيدة تانى انها تلتزم بنفس اللحن ومنع الارتجال فيها عشان يكون نوع من انواع توثيق القصائد؛ وهوكمان صاحب قصيدة مضناك باسمها الدارج لكن اسم  القصيدة الاصلى هو (الساحرة) ومكنش مجرد ملحن ومغنى اساسى فى كورال فرقة عبده الحامولى ، لكنه كمان اكتشف موهبه ام كلثوم وطورها وعلمها اصول الفن.

قصيدة (الساحرة ) كانت من الحان الشيخ ابوالعلا و كلمات الشاعر احمد رامى ، و القصيدة دى غناها اكبر مطربين الوطن العربى ملتزمين باللحن الاصلى، غناها عبد الوهاب  Listen

وغنتها كمان انغام  Listen

محمد عبد الوهاب بشكل خاص كان من تلاميذ سيد درويش و اتعلم منه تقنيات و طرق كتير للتلحين و الغناء ، و لأنه كان عنده طموح كبير انه يطور الموسيقى الشرقية جمل وجدد فى القصيدة بشكل كبير واهم حاجه عملها انه دخل الات موسيقية متنوعة زى الاكورديون و الكونترباص و البيانو والجيتار الكهربائى بعد ما كانت القصيدة بتتغنا بالعود و بس.  

ومن اهم القصائد اللى لحنها بالالات دى قصيدة ( لا تكذبى ) اللى غناها بصوته وغناها كمان عبد الحليم حافظ و نجاه الصغيرةListen

ومن القصائد اللى لحنها محمد عبد الوهاب لكوكب الشرق ام كلثوم هى قصيده ( هذه ليلتى ) Listen

وقصيدة ( أغداً القاك) Listen 

سلامة حجازى كان من الشخصيات اللى عملت نوع جديد من غناءالقصائد ، و ده نفذه انه اخترع حاجه اسمها مسرح غنائى ، يعنى مسرحية بيغنى فيها الممثلين القصيدة و بيمثلوها 

كمان فى زمننا المعاصر انتشر غناء قصائد نزار قبانى و من Listenاشهر المطربين اللى غنو قصائده هو كاظم الساهر 

فن الموال

 

و هو نوع من انواع الغناء انتشر فتره كبيرة وهوغناء الاشعار

فيه مؤرخ اسمه (السيوطى) قال فى كتابه ان الموال بدأ فى عصر (هارون الرشيد) بإن كان فيه واحدة من  جوارى هارون الرشيد حبت ترثى وزير اذاه الملك هارون فغنت له شعر اتنسب بعد كدا للموال البغدادى فى كتب التاريخ و كانت بتقول فيه 

 يا دار اين ملوك الارض اين الفرس

اين الذين حموها بالقنا و الترس

قالت تراهم رمم تحت الاراضى الدرس

سكوت بعد الفصاحة السنتهم خرس 

 

و اتسمى نوع الغناء ده على اسم الجارية و اطلقو عليه (موال) 

و بعد فترة الموال بدأ يتغنى فى العراق باللغة العراقية الاصلية اللى هى لغة اهل البلد ما كان بيتغنا باللغة العربية الفصيحة ، لحد ما ظهرانواع تانية كتير

بيجمع بينهم أسس زى الجناس اللفظى و التنظيم الشعرى  منهم  الموال البغدادى 

الموال كمان بيغنى كذا نوع من الغنا منهم موال الغزل و بيتقسم جواه انواع تانيه 

و هما الموال الاخضر وده بيكون موال حب

وكمان موال بيتغنى لتوثيق مأساه معينه و اسمه الموال الاحمر

و موال بيحكى عن جمال الطبيعه و اسمه الموال الابيض

 

اما الموال القصصى ده موال ملهوش حد معين من الكلمات و السطور ولا حتى بيلتزم بقافية زى باقى الانواع اللى بتحتفظ بالجناس والقافية زى موال شفيقة و متولى و ده كان موال صعيدى باللغة الصعيدية الاصيلة وموال حسن و نعيمة و غيرهم  Listen

والنوع ده من المواويل بيعتمد غالبا عن حكى القصص بطريقة مبسطة و دى كانت طريقة لنشر الاخبار بين الناس زمان و اهم حاجة كانت بتميز الموال ده انه موال طويل جدا

لكن كمان كان فيه مواويل قصصية اقصر ومن اشهرها الطير اللى غناه  محمد العزبى Listen 

 

ومن انواع المواويل اللى انتشرت بشكل كبير هى المواويل الشعبية اللى كان مسموح فيه بغناء القصص او الغزل وده كان من اقرب الانواع للمستمعين 

لكن من سلبياته ان شعراؤه كانو بيضحو بالقافية عشان يحافظو على اللحن و ده كان بيخلى جمل معينة فيه ملهاش معنى لان المطرب بيلتزم بالالحان و التفنين و الاكثار من العُرب اكتر من الكلمات نفسها

ومن اشهر مغنيين الموال الشعبى كان محمد طه Listen 

  

والموال غالبا كان بيرفضه قامات الموسيقى لانه بيطلق عليه الادب المشبوه لانه بيتغنا باللغة العامية بدل اللغة العربية الفصيحة   

فن الموال عموما بيعتمدعلى الارتجال النغمى و الشعرى ومش بيلتزم باغلب القوانين الموسيقية زى الزمن الايقاعى او الميزان و ممكن للمغنى يغنى اكتر من مقام موسيقى فى الموال الواحد

 

 بلاد حلب معروف عنهم من زمان حبهم للفنون المخنلفة علشان كدا ابدعو فيه

 و اشهرهم الموال السبعاوى و ده كان بيتغنى من الشعر الشعبى السهل عشان يتحفظ بسهوله من العامه وكان بيتحكى فيه قصص و مشاكل اهل البلد وده كان بيرجع لانتشار الجهل فى الوقت ده عشان كدا الموال كان من اكتر انواع الغنا القريبة من القلب للعامة لانة كان بيلمس مشاكلهم وحياتهم بنسبة كبيرة جدا 

انتشر الموال بعد كدا فى دول كتير زى تونس و الجزائر و المغرب و دول الخليج 

و من اشهر مغنيين الموال اللى انتشرت سيرته واغانيه بشكل واسع جدا فى كل بلاد الوطن العربى هو  Listen(صباح فخرى )

   

وكمان لحن الموال نماذج عظيمة فى التاريخ الموسيقى زى محمد عبد الوهاب محمد القصبجى و زكريا احمد

 و من اشهر مطربينه ام كلثوم و طلال مداح و كارم محمود و محمد رشدى

عمرك سمعت عن التخت

الاتراك كانو بيحترمو الموسيقى جدا و عشان كدا نظمو ليها مكان مخصص يكون موجود فى كل جلساتهم يسليهم

 و اتسمى باسم (التخت) وكلمة تخت معناها مكان عالى ، فالعازفين كانو يجلسو فى المكان ده عشان يسمح لجميع الحضور انهم يشوفوهم

التخت فى البداية كان محدود جدا و كان بيتكون من المغنى و ابرع عازفين فقط (الة القانون ، الة الناى ، الة الكمان ، اله العود)

والكورس اللى كانو بيتسمو صهبجية و دول اللى كانو بيشاركو المغنى الغناء فى اللزمات فقط و دول كانو اتنين او تلاته من اصوات بيتوفر فيها مساحات صوتية عالية ، وبجانب المغنى كان بيكون موجود عازف الايقاع عشان يرشد الفرقة كلها للزمن والوقفات و ده كان من ضمن علم (زرياب) اللى اتكلمنا عنه قبل كدا

كان التخت بيتقسم على تلات وصلات يعنى تلات اجزاء 

اول وصلة كانت عبارة عن موسيقى فقط بيتعزف فى مقام موسيقى معين و الوصلة التانية بيختلف فيها المقام الموسيقى وتبدأ بعدها الوصلة الثالثة بقالب سماعى او بشرف اما الوصلة الأخيرة بتجمع كل العازفين مع 

المغنى و كانت بتتسمى (القفلة)، و القالب الموسيقى اصله تركى 

والقالب الموسيقى ليه اكتر من نوع من اسهلهم فى العزف و الاخف منهم للاستماع 

قالب السماعى Listen  و قالب البشرف Listen

و كان المغنى بيبدأ الغناء دائما فى بداية الوصلة التانية وبيبدأ بعده الصهبجية يردوعليه فى الموال عشان ينهى المغنى الاساسى الموال وهكذا حتى نهاية قالب الموسيقى،فكان اغلب العبئ على المغنى فقط فى هذه الفتره

 من اشهر مغنيين التخوت فى هذا العصر و يعتبرالوحيد فى زمنه كان (المقدم) وكان التخت وقتها بسيط واتشهر فى بدايته فى قهوة بين الشجر بعدا امر الخديوى اسماعيل بتحويل المكان ده لمكان مخصص للغناء وسماها حديقة الازبكية 

التخت بعدها بقا فى مقام مدرسة موسيقية بيتعلم فيها المنشدين اصول الفن و مكنش حد بغنى غير لو عدا من اختبار التخت ده قدام لجنة بتتكون من كبار الفنانين والموسيقيين، و كان فيه رئيس لموسيقيين و المغنيين اسمه (شيخ الطائفة) ده شيه نقيب الموسيقيين دلوقتى، وكان ليه سلطه عليهم و كان بيخصص دخل شهرى لكل شخص فيهم و بيمنح رخصة لكل اللى عايزيحترف الغنا او العزف ، و من الشخصيات اللى اتسجل اساميهم فى سجل الفنانين من خلال شيخ الطائفة عبده الحامولى ومحمدعثمان و محمد سالم ومحمد عبد الرحيم المسلوب 

و من المنشدين الشيخ البيطار و الشيخ خليل رضوان 

استخدم الحامولى فى اغانيه مقامات مكانتش موجودة فى مصر وقتها زى مقام العجم و الكرد و الحجاز و تعاون مع كبار الشعراء زى محمود سامى البارودى وعائشة التيمورية

و كمان استعان ببعض الشعراء و المثقفين عشان يترجمو مجموعة اغانى تركية الى اللغة العربية، ويعتبر 

الحامولى اول مغنى بدأ فى تلحين القصائد زى قصيدة (اراك عصى الدمع) اللى غنتها كوكب الشرق (أم كلثوم)

Listen